MATILDE POLITI (chitarra – violino – contrabbasso.)
Figghiu miu ascuta attentu
nzoccu ti dici to’ matri a stu mumentu
troppi cosi mallantrini chi facemu l’omini
cunsumano la fonti di l’acqua viva
Ma ora dormi nun ci pinsari
ca quannu crisci nun ti l’a’scurdari
E iu ti cantu di la matri terra
di li muntagni, di li ciuri e l’erba
p’ogni arbulicchiu chi veni tagghiatu
idda lu chianci com’un figghiu scannatu
Cu fu ca t’ammazzau figghiu duci duci
fu nu fratuzzu to’ ca persi li radici
Sopra scuncizzi ammassamu cimentu
viulintamu i so sigrita a fariccinni vantu
ma si la matri po’ perdi la pacenza
vintra, mani e vuci scatena cu viulenza
Ma ora dormi nun ci pinsari
ca quannu crisci nun ti l’a’scurdari
Canta lu mari un cantu di duluri
ca l’ogghiu lordu ci affuca li culuri
siddu nni scurdamu ca gghiè cosa’mpurtanti
cu l’unna crisci, addiventa nu giganti
Ma ora dormi nun ci pinsari
ca quannu crisci nun ti l’a’scurdari
Tu si’ ancora forti e nicu comu n’omu anticu
nun ti scurdari
ca lu ventu parra e canta a cu sapi ascutari
ca l’amuri veni a tia si tu stissu si’ amuri
dormi figghiu beddu
Figlio mio ascolta attento
cosa dice tua madre in questo momento
troppe cose malandrine che facciamo noi uomini
consumano la fonte dell’acqua viva
Ma ora dormi non ci pensare
che quando cresci non te lo devi scordare
E io ti canto della madre terra
delle montagne, dei fiori e l’erba
per ogni alberello che viene tagliato
lei lo piange come un figlio scannato
Chi è stato ad ammazzarti figlio dolce dolce
fu un fratellino tuo che ha perso le radici
Sopra sconcezze ammassiamo cemento
violentiamo i suoi segreti e ce ne facciamo vanto
ma se la madre poi perde la pazienza
ventre, mani e voce scatena con violenza
Ma ora dormi non ci pensare
che quando cresci non te lo devi scordare
Canta il mare un canto di dolore
ché l’olio sporco ne affoga i colori
se ci scordiamo che è cosa importante
con l’onda cresce, diventa un gigante
Ma ora dormi non ci pensare
che quando cresci non te lo devi scordare
Tu sei ancora forte e piccolo come un uomo antico
non ti scordare
che il vento parla e canta a chi sa ascoltare
che l’amore viene a te se tu stesso sei amore
dormi figlio bello